යුක්රේන අවි සැලැස්ම හෙළි කරමින් ඩොනල්ඩ් ට්‍රම්ප් රුසියාවට තීරු බදු පනවන බවට තර්ජනය කරයි

NETO රටවල් හරහා යුක්රේනයට "ඉහළම මට්ටමේ අවි" යවන බව ඇමරිකා එක්සත් ජනපද ජනාධිපති ඩොනල්ඩ් ට්‍රම්ප් නිවේදනය කර ඇති අතර, දින 50ක් ඇතුළත යුද්ධය අවසන් කිරීමේ ගිවිසුමකට එළඹෙන්නේ නැති නම් රුසියාවට දැඩි තීරු බදු පැනවීමට ද තර්ජනය කර තිබේ.

"යුක්රේනයට තමාට අවශ්‍ය දේ කළ හැකි බව අපට සහතික කර ගැනීමට අවශ්‍යයි," ඇමරිකාවේ වොෂින්ටනයේ දී NETO ප්‍රධානී මාර්ක් රූට් සමඟ පැවති හමුවකින් පසුව ඩොනල්ඩ් ට්‍රම්ප් පැවසීය.

"NETO හරහා යුක්රේනයට අවශ්‍ය දේ දැවැන්ත ලෙස සැපයීමට ඇමරිකා එක්සත් ජනපදය තීරණය කර ඇති බවත්, ඒ සඳහා යුරෝපීයයන් මුදල් ගෙවනු ඇති බවත් මාර්ක් රූට් තහවුරු කළේය.

රුසියාවේ මාරාන්තික ගුවන් ප්‍රහාර මැඩ පැවැත්වීම සඳහා යුක්රේනය විශ්වාසය තබන තමාගේ පේට්‍රියට් ගුවන් ආරක්ෂක පද්ධති - යුරෝපීය රටවල් කියෙව් වෙත යවනු ඇති අතර, පසුව ඇමරිකා එක්සත් ජනපදය විසින් ආදේශක නිකුත් කරනු ඇති බව ද ඩොනල්ඩ් ට්‍රම්ප් පැවසීය.